Ez dok Hiru Akustikoa (Atarrabia)

TARTEANen filosofiari jarraituta (gure lana ahalik eta publiko gehienera zabaltzea) “Ez dok Hiru” ikuskizunaren bertsio akustikoa prestatu dugu.

Formato berri honetan, Mikel Martinez eta Patxo Telleria, Adrian Garcia de los Ojos musiko-aktorearekin lagunduta Euskal Herriko imajinario musikalaren errepaso ironiko, absurdu eta dibertigarria eskainiko dute.
 
Musikaren orkestazio xumeagoa izango badu ere, gordeko du zuzeneko musikaren indarra eta ikuskizunak dituen baliorik preziatuenak matenduko ditu:  umorea eta euskal musikari egiten zaion omenaldi bero eta hunkigarria.

Atarrabiako Kultur Etxean, otsailaren 3an